Concurso logo da biblio

I 

      BASES PARA O CONCURSO DE DESEÑO DUN LOGOTIPO DA BIBLIOTECA DO CIFP SOMESO

1. Obxectivo:
Deseño dun logotipo destinado a ser a imaxe representativa da Biblioteca do CIFP Someso, en toda a difusión de información da mesma, a través da súa páxina web e outros documentos.

2. Requisitos / Aspectos valorables
O logo deberá reflexar a natureza da biblioteca dentro e fora do centro de Someso, para o que se valorará:
- Que identifique de maneira simplificada o papel da biblioteca como punto de encontro e transmisor de cultura.
- Que recolla a inscrición de BiblioSomeso,  dentro do propio deseño.

3. Participantes:
Poderán participar no concurso, de maneira individual ou colectiva, todos os alumnos matriculados en Someso no presente ano académico 2016/17.

4. Proposta e documentación:
O deseño será orixinal e inédito.
A proposta entregarase en conserxería, onde se dispón dos sobres necesarios:
-SOBRE PEQUENO: Deberá cubrirse a folla de inscrición do interior.
-SOBRE GRANDE: Nel deberá incluirse:
- O sobre pequeno pechado e identificado exteriormente co seudónimo.
- A proposta de logo impresa e identificada (no reverso) co mesmo seudónimo.

5. Prazo de presentación:
O prazo comezará o vindeiro día 15 de decembro e rematará o 14 de febreiro do 2017.

6. Acordo do xurado:
O xurado estará composto polo equipo de dinamización da biblioteca, composto por 9 profesores e un membro da dirección.
Escollerase,  entre todos  os deseños presentados, mediante votación individual , pública e motivada, de todos os membros do xurado.
A decisión do xurado será inapelable.

7. Premios:
- 1º premio: Tarxeta agasallo de 50 euros para Fnac e diploma.
- 2º premio: Tarxeta agasallo de 20 euros para Fnac e diploma.
- Poderán concederse accesits con diploma e sen dotación económica.
Calquera dos premios poderá declararse deserto se , a xuizo do xurado, ningunha proposta acada a calidade requerida.

8. Propiedade intelectual:
Os logotipos presentados quedarán en propiedade do CIFP Someso, que terá absoluta liberdade para utilizalos total ou parcialmente, ou para modificalos da maneira que considere oportuna.

9. Aceptación das bases:
A participación no concurso supón a aceptación destas bases.